好老實,其實都未開賣,我實在唔應該放入我的至愛欄,但真係好鍾意呢個idea. Cup Noodle日清發明杯麵這食物已是上世紀的偉大產品,今次將麵crossover飯,把Cup Noodle原味及海鮮味製成杯飯,又真係創意十足.就是日本人有堅持,所以日清花很多時間去研究如何把炸麵餅,湯粉的味道加入飯內,更要確定米飯一叮之後有粒粒彈牙口感,更專登配合杯麵用的配料如蛋,蝦,叉燒等,加水一叮5分鐘就是Cup Noodle味杯飯,公仔麵味的波仔飯,聽見都好想試,8月16日關西地區率先有得賣,你去大阪的話,可唔可以買杯俾我食? http://www.cupnoodle.jp/gohan/
1958年,日清老闆安藤百福幾經辛苦成功研製出世界上第一個即食麵 – Chicken Ramen.1966年,安藤遠赴美國宣傳他的新作,看見美國人將即食麵打碎,然後放入紙杯倒入滾水用叉食,激發他做杯麵的新挑戰.又過了5年,全球第一個杯麵於1971年誕生. 這個橫誇兩個世紀的杯麵更於2005年7月上太空. 日清與日本政府部門宇宙航空研究開發機構,一同研發出史上第一個太空拉麵Space Ram.這個拉麵有醬油,咖哩,麵豉及豬骨4個味道,而這4個味是日籍太空人野口聰一的提意.真空膠袋包裝的太空麵只需加入70度的熱水便會熟,還考慮到在太空鎗內會出現飛散情況,特別加強湯的粘度,麵亦是一啖尺碼的塊狀麵,雖然未能在太空食,但曾經在太空吃過的野口太空人卻大讚味道忠於原著,おいしい. 有關網頁: http://www.nissinfoods.co.jp/com/news/news_release.html?nid=1165